香港新浪網 MySinaBlog
« 上一篇 | 下一篇 »
巧茹 aka Cream | 16th Feb 2019 | 趣味談 Hobbies & Fun | (163 Reads)

小學平失眠……嘩,失眠係好大鑊,一級強國領導人唔夠精神,睇唔實下面既人收規點算好。第一個人佢諗起便是當奴,於是用手機社交app打電話畀佢。

「大佬,有無嘈醒你?」

當奴正吃緊午餐,「你傻的嗎?太陽響頭頂啦!」

「鎖你,鎖你。」

「喂,叫左你學好d英文,講到一劈屎!好心你,小學雞咁樣,你點服眾?」

「服眾?邊個唔服我就拉邊個,哈哈哈。」

Picture

「有乜屁快些放!」

「好,我忍你……係係係,大哥,你今次加我地關稅,我意思係調整,嚇走晒我地d廠家……」

「咁又點?關我春事!你自己既問題自己解決嘛。乜中國唔係一級強國嗎?人民唔係有個app學習……做強國人民嗎?」

「我係想求你……」

「喂!且慢!你唔好求我!我就同你講清楚,鬼叫你賣手機畀伊朗,結局就係咁架啦。」

「華胃係小任既私人公司,同我無關。」

「係咩?我唔識分喎!」

「大佬,你手下留情啊……如果阿鶴講錯野,你唔好嬲。」

「咁你宜家有乜建議?」

「嗯……我地慢慢……坐低傾傾佢好唔好?」

「好唔好?你就梗係想傾啦。我無放過你咩?三個月又三個月。」

「我會盡量滿足你地既要求。」

「呀,最近真係有點手緊添。」

「什麼?大佬,我聽得唔係好清楚。」

「細佬,我係講緊唔夠錢起圍牆。」

「嗯……」小學平在想關我咩事,你起身屙夜尿使唔使都同我講!

「既然你無意見,我諗……應該係時候……變賣你地響美國既豪宅幫補一下。」

「大佬……唔係……大爺,都唔係,應該係……靚仔,無錯,最靚既靚仔,我求求你,千祈唔好咁搞法,至多我地國家買多d你地既黃豆。」

Picture

美國起訴一名前可口可樂(Coca-Cola)美籍華人高級工程師,涉嫌為中國公司竊取價值約1.2億美元的美國商業機密。

正值中美貿易談判,這是美國指控中國竊取商業機密的又一案例。當局批評中國利用「千人計劃」來吸引和獎勵小偷,將加強調查。

美國有無搞錯呀?呢d商業飲品咁無益,送畀我我都唔會飲啦。有乜野好偷?唔通係新口味:蜜桃味?中國仲唔夠黑心食品嗎?雖然可樂不會飲瓜人,但長遠來說,飲得多得滯,到自己老左周身怪病,後悔都太遲。

這兩天有位YouTuber發現,如果你拉開iPhone的Widget,然後用語音搜尋的方式,對著你的iPhone狂唸「Hyphen」,你的iPhone就會當機!呢d咪小兒科囉,如果在大陸,有好大堆字不能用於文章或留言,被中共發現,不只會刪左你,發信息既人都會被當機。

Picture

澳門文化局「文化傳播大使」代言人計劃,公布由大陸演員,《延禧攻略》女主角吳謹言擔任「星級文化傳播大使」,更稱吳謹言四月會到澳門「宣揚文化的傳承與傳播」;曾任澳門網媒《愛瞞日報》副社長的崔子釗狠批是「文化局的墮落」,「揾個電視劇內地女演員去代言澳門文化傳播?邊一忽代表到澳門?」

真係說得不能再好!

大陸人吳謹言不能代表澳門。林鄭月娥也不能代表香港。