香港新浪網 MySinaBlog
« 上一篇 | 下一篇 »
巧茹 aka Cream | 12th Oct 2018 | 趣味談 Hobbies & Fun | (793 Reads)

劉小麗榮登(被)「DQ」女皇。預左啦。邊個補上做議員分別已不大。泛民如小氣點,遷怒小麗可理解。中共資源充足,做衰野統籌方面的確係高幾班,泛民再輸既機會好大囉。

今日,我諗起社會上有幾類人,其中有一類係反社會類,佢地唔係反社會既不公,而係將社會上多年建立,被認為合理既野(而事實上係好合理),完全漠視,言行像隻外太空怪物。我又記得好多電影描述呢種暫時唔現實既劇情,但原來係發生緊而不為人類所發現。呢d人見人憎既怪物竟然天下無敵,到處破壞,佢地甚至要先毀滅全人類,霸占地球。之後又點?殺晒我地人類,佢地先諗啦,總之漫無目的咁破壞。咁通常會有虛構既超人,飛過,兩三下就打敗佢地。Sorry,呢d係好多年前既橋段,已無吸引力。蝙蝠仔都可以打死超級英雄啦,不過因為阿媽……所以無下手。好了,人類點樣打贏天外怪客呢?No,人類並無咁既科技或能力,而係地球既水土不合怪獸生活,佢地最終自然死亡。

故事既教訓就係,物以類聚,人類不應與怪胎為伍。古人智慧係棒的:近墨者黑……其實,上述劇情好合理,不合在地球生存既怪物,就因為呢度唔合適畀佢地生存,佢地既存在只會是短暫,否則,宜家地球上見到的不是人類而係怪物。可笑的是存活下來的怪物,回到屬於自己既星球,對著其他怪物誇誇其談:人類都是廢物,我赤手空拳將他們全部也解決了!

Picture

屯門同埋大嶼山真係好「幸運」,政府終於搞到西邊,而且可以開一條史無前例既大數。對於細節,我真係要畀足十個「趣」。林鄭應轉行做賊,佢諗:「起橋、起高鐵太慢了,又會搞到民居搞到會展,畀人嘈死……」起幾個島咪有藉口囉,太好了,快call拖車先,一於成個夾萬搬走。

行政長官林鄭月娥昨發表任內第二份《施政報告》,房屋土地政策成為焦點。早已表明填海無可避免的林鄭在爭議未息下提出將東大嶼都會填海面積由1,000公頃加碼至1,700公頃,提供26至40萬住屋單位,配合北大嶼山及屯門等地填海,創建逾2,000公頃「明日大嶼」計劃,面積相等於8個長洲,政府消息預計總成本「4、5千億元走唔甩」,即消耗近一半儲備,但市民至少等14年才有屋可住。

「親愛既香港市民、納稅人,我已經留左手,總要留少少錢出糧吧。」

有團體狠批政府「填上癮」,議員狠批倒錢落海,估算填海成本隨時高達逾萬億元。照我睇,有機會上到幾萬億,因為估計保守,未顧及追加、追加再追加撥款。

係唔係好撚趣呢?大家要明白,填海只係填出一些地,還未計起樓既錢,仲有好多好多配套。如果搞得唔好,會陸沉的(正常沉降之外),風險唔係不存在的,到時白填白使錢囉。而成本呢?當然係由我地個袋去左某些住在北方既人個袋,大筆錢再唔知用咩方法漸漸去左好似美國或者其他西方國家,跟住又會變左某人既豪華別墅同埋一大堆物業。

東大嶼都會計劃由上屆政府提出,原本擬填海約1,000公頃,林鄭昨將填海面積加碼至1,700公頃,分別在交椅洲和喜靈洲附近興建4個人工島,涉及未來2、30年規劃,可提供26至40萬住屋單位,讓70至110萬人口居住,當中七成土地興建公營房屋。有網民依照現時每日單程證、即「前往港澳通行證」150個配額推算,14年後香港剛好新增約77萬新移民人口,東大嶼人工島公營房屋量僅能應付這批新增人口。

政府目標是將東大嶼都會發展成本港第3個核心商業區,連同龍鼓灘、欣澳和小蠔灣等近岸填海,整個「明日大嶼」共填海逾2,000公頃。

政府消息指1,700公頃填海將分階段進行,預計2025年開始會進行首300公頃的填海工程,於交椅洲以東建島;其餘700公頃人工島遲一至兩年動工,兩島分別於2032年和2034年入伙,共提供10多萬單位容納40至70萬人。其餘兩個人工島建於喜靈洲南北面,共700公頃,政府消息強調該700公頃未必一定會填,屬土地儲備,視乎研究結果而定,當局期望明年中可取得立法會撥款進行詳細研究。原本包括在計劃內的梅窩則不會填海。

咦,又話搞全民退保無錢?大白象一件又一件……

講趣味,網友替人工島改既名就趣絕:慘不忍島、成副身家拿去島、你睇我唔島。

【明日大嶼】謝世傑:利益者決定了我們的未來

謝世傑認為這個舉動完全違反程序公義,香港未來被核心利益團體控制。「這個權力核心,就是擁抱林鄭成為特首,以董建華為首的利益集團。他們成立的團結香港基金,持分者都是發展商、地產商。整個人工島都是要香港人掏荷包,給商人打本做生意,接著要我們世世代代付錢買回。」

若你地問我,填海是沒有大問題的,香港長年都有填海架啦,不過人地反對的是大規模在大嶼山,高成本咁填,仲要畀大陸去做(豆腐渣)。公投吧,大家同意嗎?

5000億最少、14年最快,好,大家記住呢個數。