香港新浪網 MySinaBlog
« 上一篇 | 下一篇 »
巧茹 aka Cream | 15th Aug 2018 | 六四之後 After 26 years | (287 Reads)

唉,我真係唔知,原來賣下野,我係無牌,d貨被充公,仲要罰我錢!

如果法例咁講,咪咁講囉。

「巧茹小姐,今次念在妳初犯,唔使妳坐牢。知唔知道?」

「法官大人,此言差矣。」

「點差法呢?」法官心諗:妳條死八婆,咁撚多嗲!

「你係唔係話我犯法,係因為無牌丫?」

Picture

「無錯!難得妳深明大義,知道自己衰乜,以後就要洗心革面,好好做人,不要再無牌擺賣,危害市民,危害國家安全……無知地勾結外部勢力……無事退朝啦!」

「咪住!落唔落糖由我揀!再唔再擺賣都由我揀……正如收唔收商業信息,由我自己揀!」

「揀妳條命,我拉妳坐監,睇妳仲有無得揀!妳呢個刁婦,咁招積!」

「法官大佬,牌照是否由政府發出來?政府先係罪魁禍首呀。」

「呢度係法庭,唔係牌照部,妳自己去搵佢地理論啦。無事退朝啦!」法官約左靚女happy,唔想繼續跟這無知中年婦糾纏。

「法官呀法官,我唔服!點解賣下底衫、小朋友玩既玩具要被人拉?」

「怕(鳩)左妳。妳好好記住喇。」法官先飲啖水,然後開始講耶穌,「巧茹小姐,妳咁樣賣野,其實會為草根階層,搭台造勢,觸動了包括700多萬香港同胞在內的14億中國人民最敏感的神經,嚴重傷害中國人民感情。明唔明?」

「下?唔係far?乜包括700多萬香港同胞在內的14億中國人民既神經真係咁敏感既咩?點解唔睇醫生?關我地小販咩事?況且,我真係同呢咁大棚人,無咩感情喎,又點傷害佢地呢?望大人明察。」

「嗯……」

「算罷,同你講都多舊魚,你都唔識(不學無術)。」

「喂!妳唔可能咁同本大人講野!」

「好丫,咁你show下quali丫。」

「好!咁妳聽住。」法官再飲啖水,然後又開始講耶穌,「妳鼓吹無牌擺賣,有計劃、有部署地挑戰國家安全和領土完整,觸碰一國兩制的底線,嚴重違反國家憲法、基本法和香港有關法律*,嚴重損害國家的主權安全和領土完整,嚴重危害香港公共秩序與公共安全,以及他人權利和自由……」

「法官,咪住!我點違反憲法呀?我代表政府咩?」

「嗯……」法官知道自己講錯野。

「好煩呀。罰幾多錢呀?我交左唔使再煩。」

「妳咩態度!坐響度,唔准走住。」

「你話點就點囉。D京官成日都強迫我地香港人聽埋d廢話架啦,果班人好似從精神病院走失左出來咁樣。」

「犯婦人(老虔婆!),妳聽住!販賣內衣和玩具係有底線和邊界的,在法國邀請二戰屠殺者公開演講是絕對不行的;在德國邀請納粹分子公開演講是嚴格禁止的;在美國及其他國家邀請恐怖分子宣揚恐怖主義理念,煽動種族歧視和仇恨也是不可想像的。」

「你都痴鳩線!賣下野居然可以跟屠殺、恐怖主義比較!」

巧茹決定去搵翻份工,不再做流動小販,橫豎d貨都無晒。

─────────────────────────────────

<<< please stand behind the RED line >>>

所謂狡兔死走狗烹,梁X英用完啤啤熊即棄如敝屣,佢仲唔天天咬住你咩。仲有,佢坐過監,內心有幾多不忿,哈,大家心照啦。不過,這也是好,啤啤熊由說歪理,變成講真話:違憲的是爛鬼白皮書、831框架。最後,香港人面對的其中一個大難題,就是高樓價,多謝中國共產黨啦,多謝(核)凸區政府啦。

Picture

每日的十大窩輪升跌幅榜,大部分屬接近到期的「末日輪」。所謂高風險高回報,市場總有些勇士能在這個「冒險樂園」速賺快錢,但亦有輸到「乾塘」的例子,這類衍生工具,盡量炒即日鮮,以防時間值流失。我係講盡量,ok?過夜有乜問題?當然係不定性既問題,乜有人可以肯定……不要講9成8成,9成8成就不是肯定……肯定明早開出來是贏錢?睇錯的話,昨日就可能係呢隻輪既最高價了。

窩輪ABC:炒末日輪須與時間賽跑

很多投資者普遍對時間值的流逝速度較為陌生。一般來說,「在價」認股證(ITM、ATM)約2/3的時間值將會在其最後1/3的壽命中流逝,換言之,一份6個月的股證,其時間值消耗主要在最後2個月內出現。

……極為價內的末日輪,由於供求失衡而導致溢價高企,股證價格可能未能緊貼正股走勢,甚至與正股走勢背道而馳。

……莊家跟投機者是對立的關係,因為莊家知道街貨的詳細資料,但投機者只能看著莊家的報價行事,這種資訊的不平等導致莊家可以透過買大開小,買小開大來圖利,導致散戶贏面較少,在一些特定的時間,甚至可以操控輪價讓自己套利。

末日牛熊證會多一重風險,就是收回的風險。結果,當然是輸到傻左。

二萬月薪聘生蠔試食員。五天工作,只需上班五小時,兼且日日可歎蠔二十隻。試食專員的確是一份絕世筍工,不過……

「就算你多喜愛吃生蠔,當變成了工作時,你的心理壓力變得很大。」有兩年試食經驗的Russ苦笑道。

Russ原本也是一位愛蠔之人,兩年前得知公司給予機會他幫忙品蠔,感到十分興奮,誰料到當一位試食員可不是吃東西這麼簡單的一份優差。

「要學懂產地、來源、飼養方法等基本知識,有時更要向供應商更新資料。」Russ不時需要埋首於書本中,更要不斷在網上吸收新資訊作自我進修。其次,要不斷地品嚐生蠔,從外觀、氣味、肉身、味道,鉅細無遺地記錄特徵。「完全沒有想過需要這麼多知識去做這一份工作,更重要的責任是,要做好把關的角色。」

Russ其中一個職責是要檢查生蠔,如果發現貨次有問題,就要果斷地停止出售,「如果其他人吃了生蠔而出事,即是你失職,失了你的責任。對於公司來說是失去聲譽,對個人來說,就是你連累到其他人。」

正如立法會議員,如果政府違憲,便要提醒政府,例如一地兩檢,免得政府成為國際笑話。另外,如基礎建設發生安全問題,也應提出展開調查,而不是匆匆啟用,以致有機會危害到市民的生命財產。

呢個世界真係唔係人人也是正常!只有垃圾國家,發表垃圾聲明,先會搬全國人口出來!我唔係話唔怕共產黨,亦唔係要夠薑先講,真係頂佢唔撚順,先至臨尾都要挑一下佢娘親!喂,堂堂大國,全球第二大經濟體,講野都無譜,仲以為自己好威!唔該嚴肅一點,準確一點啦,咩全國十四億人口,又咩感情受損,你係唔係精神有問題呀?!!!你走去問問國民,唔一定個個知道有香港存在,亦不是個個認識民族黨,你再問問小朋友、老人家,識唔識陳浩天?人家操你的娘啦!再講,響香港人人掛住搵食,陳浩天演講講左乜,WHO FUCKING CARES!!醒下啦,梁生!!

* 注: 陳浩天演講所觸犯既香港有關法律,就係「香港有關法律」。咁即係咩?即係「香港有關法律」囉。咁唔拉人?我點撚知呀!不過,有好撚愛國既保皇黨話:嗯……我地宜家可以研究下,立即立法(立有關法律),咁佢……仲唔死。喂,唔好笑撚死人啦。