香港新浪網 MySinaBlog
« 上一篇 | 下一篇 »
巧茹 aka Cream | 17th Apr 2018 | 六四之後 After 26 years | (311 Reads)

見到他人無知係無法的,你用咩方法都無可能教得佢明。

一國兩制話明一國大撚晒,即係香港自己唔立法,一國咪會霸王硬上弓幫你立法囉。好了,霸王硬上弓等同強姦,你班友又唔高興。當然,正常人既理解係無人會喜歡被人強姦。但之不過,因為有另一班人,佢地日常工作係要令一國既話事人高興,因此,佢地享受被強姦呢種反人性既野出現響外表文明既香港係一點都唔出奇。不特只一次唔夠,仲響一天內企出來叫人強姦自己十次八次都係好似好合理。

事實上,中國大陸同埋香港係危在旦夕!!!如果再唔立呢個國家安全法既話,真係亡國都有份。你地睇下,美國佬同盟友今日開會,今日就出飛彈爆鳩你敘利亞,一百支唔夠就兩百支。喔,我講錯左,人地用飛彈危害你,你立乜法都係無用,就算出幾多億個解放軍一樣都係無用,無法抵抗。仲有是不要讓人掘條隧道直通你大灣區就得。

咁點解立左咩野咩野法咁巴閉,可保我地既「安全」呢?就係為左阻嚇果班連支玩具槍都無既蟻民。蟻民?即係咩人?即係想同政府講道理、傾政改同普選幾廿年既傻人。仲有係唔知咩原因,被人告到甩褲既後生仔。下?你話呢班戇居仔會危害我地國家?我話會就會啦!只要信!不要再問!

好了,你話係就係啦。佢地既然咁厲害,中國咁大都可以「危害」得到,不如放逐佢地去北韓,北韓細得多,不用一陣,就會亡國啦。

以下有個別例子,揭發那些心懷不軌既賤民,點樣危害到我國的安全:

避雨流浪狗女係會危害國家(或者政權、政黨、中共,四者通用)安全,成條街咁多地方可避雨,點解偏偏要去商廈避?梗係有陰謀啦。唔煮左佢做9肉煲係便宜左佢。雖然佢望上去都幾可愛。

「唔識做」既航拍者,因為佢將我國高超先進擺放弱波石科技外洩,外國人學撚左就會好強大,強過強國,繼而危害國家……既名譽!(乜中共有既咩?)

人地都講得好清楚,國產弱波石既主要功能是保護沉管隧道免被船舶撞擊,有效地阻止船舶駛近……因為……都擱淺左啦。

Picture

咦?呢個係咩黎?要黎做乜架?

投訴警方既人肉路障,呢d人想屈政府錢嗎?喂,畀你做人肉路障,係你既光榮,國家既光榮都唔要,即係唔賞面,即係不滿國家啦!拉去坐監啦。

以愛護動物為名,強迫政府立法者。喂,垃圾會好忙架,好多惡法響度排隊要硬通過架,你宜家咪即係變相干預廿三條立法?Sorry,我講錯,不是惡法,全名係「對付反對獨裁政府既自稱撐民主既惡人既法案」至o岩。呢種惡人要通通收監!無情講!撚寵物撚得咁過癮丫你!

堅持要控告前首長梁振英既人,連國家領導級既國家領導人都告,一定危害到中共啦,死罪一條,唔使坐監啦,直接推出去……人地收錢關你柒事咩!人地殺人放火都唔關你事啦!做乜咁朱事八卦?想死咩?

邊個再話人造牛油有害,又話超咩標呀,擺明是想推翻現有政權!趙連海前車可鑑呀。同我食晒d人造牛油!

唔尊重喬X陽既香港人。你地睇住丫,喬大人訪港,你班人又去大叫,又舉牌,唔該搞清楚,呢個不是韓星!再搞搞震,拉晒你班乜毒份子!

最後,果班成日話中共、港府違憲既人。呢班友一定係唔愛國,唔爭在拉埋去坐監啦。喂,咩人大大大大大係全國甚至全球最撚大既權力機關,不只違憲係無問題,人家改憲都得啦,即係向前、向後、向左右打橫行都得啦,你嘈乜鳩野嗟!閉,我咪呢班友其中一個……

中國共產黨有時都真係好撚有計,拉撚晒上述既賤民,無人再夠膽阿支阿左,阿爺以後做乜野就做乜野,幾時到你投訴,你咁樣嘈法,擾阿爺清靜,係危害國家架嘛!

有元老級既人馬,狠批魅力平只有小學程度。唉,你講得對丫,若果佢受多些教育、水平高一點,就唔會忘了父親經歷過什麼折磨啦。無知才能成就一個魔頭。

毛病不改,積惡成習。無救。

中興通訊早前因違反美國制裁禁令,向伊朗及朝鮮出售美國產品及科技,去年3月與商務部達成和解,賠償約8.9億美元(約69億港元),並開除4名高層及對35名員工進行訓斥或削減獎金。

除此之外,中興通訊亦同意一項7年出口特權禁令,意味企業或個人不能與中興作交易。不過華府批准這項處罰是以暫緩形式執行,倘若中興沒有履行協議,當局可即時執行禁令及向中興罰款3億美元(約23億港元)。

商務部周一發聲明,指中興通訊在2016年及2017年向商務部工業和安全局作出錯誤陳述,不但未有執行和解協議,更沒有處分上述提到的35名員工,反而獎勵他們不法行為。商務部長羅斯(Wilbur Ross)在聲明中表明,華府不會忽視這種嚴重錯誤的行為,遂執行對中興通訊的出口特權禁令。

可以和俄鋁一起,表演跳水。喔,停左賽添。

自由黨昨日舉行黨慶酒會,行政長官林鄭月娥及多名司局長出席。榮譽主席田北俊在酒會後向民主黨議員林卓廷捐款1000元現金,表示是支持民主黨追查前特首梁振英UGL事件的眾籌計劃。田少話,「200萬唔夠洗,要努力啲,澳洲律師費好貴……還CY一個公道。」

好多人以為官場無真心,田少同埋CY兩個好朋友都無再響政府做,走左都仍然咁關心對方,呢d咁撚warm既行為,係值得現今冷血無情既都市人學習一下。

唔知大家睇左港片〈危城〉未?電影想帶出既信息真係小朋友都明白。

「由曹少麟進入普城開始,就是一件不幸的事情。」

好似我地香港咁,反抗咩,快死;但扮無事,慢死,亦稱暖水蛙蛙。現在既中共同埋片中既軍閥係無分別的,你就範就慢慢被剝削被玩死,你要同佢打過嗎?你就死硬,不過,佢就係睇死你怕死。劉青雲講「人人遲早都要死」,這點大家都明白,即係叫大家唔好怕,為保護自己同自己愛既人反抗而死都係合理,身為保長亦係要主義公義的。定抑或任由宰割好呢?只不過係遲些至死。

正如我地無做錯,做錯的是中共,違憲的是中共,我地香港點解仲有咁多人buy佢呢?因為怕死,因為要搵食喎。港奸港豬會咁諗,「你勇敢你叻,你咪做你想做既事囉,你唔好預我,我宜家好食好住,唔公義咪唔公義囉,你咁多事你咪自己上囉,你搞我做乜嗟。」

當然電影唔會少左好似林鄭呢種走狗。吳京話,「喂,師弟,你隊瓜我主子個仔,即係害我嗟,打爛我飯碗不特只,你會害死師兄同你自己。」

死得有尊嚴係大部分人不稀罕的,如果出賣香港人可以豐衣足食(有餘),why not??