我對周小姐無好感。且慢…我也對她沒有惡感。
直至科大攪一個什麼什麼現象的講座，人地要搵食，你邀請，佢咪畀面出席囉。
科大一向聲譽很好，我個人認為是香港最好的大學。不過，現在真係要改觀。
你地班友擺明蝦膠人地一個後生女，雖然佢真係橫睇掂睇，任何方面都不是咩成功人士，不過只要忠於自己（點定義大家要細心諗諗，唔係任意妄為就係忠於自己），無偷無搶，達至財政獨立，而佢又滿意自己工作既成績，就係成功達到自己的目標。
你地要為難人，搵人做小丑，唔該行開d，過主啦，有腦都見到你地睇人唔起，立心不良。
好彩，周小姐算係大方、淡定、有禮、謙虛、坦白，最重要是從前我都覺得佢係其中一個賣下肉以求生存既人，但經過今次，我地見到周小姐其實都幾美麗既一面，無果d睇人唔起既深奧學者咁醜怪。
唉，真係吹膠脹，intense moments 我就識，想玩人既唔該上翻d intensive English courses，唔係我地真係要「疏理」一下自己先喇。
