什麼是食正條水？且看幾個古仔。
當年好流行 Karaoke，有得食有得飲有得唱歌由有人演唱畀人點唱的餐廳仔開始，客人間唔中可以客串，最後連夜總會都有得畀客人唱，歌手表演仍然是有，不過有些客人從前包場攪活動搵歌星仔助慶變為自己唱。果個名既意思是沒有人的 orchestra，日本仔發明的，台灣佬再改進，在香港我都係去日式酒廊，先見識到，跟住人人都開樓上鋪做 Karaoke，地鋪我就唔記得有無。
我有舊同學突然變左做歌手，果日我去聽歌不是唱歌，撞到佢上台唱，雖然不算好聽，但明顯是跟人學過，我朋友響佢走左時話我知，好似同人夾份開的，原來是老闆，一杯野都無請我地飲喎。
當我諗住係水尾時，仍然有好多人去創業，而且有d錢賺到添。當年唔知係唔係火燭呢？佢地都唔知o岩唔o岩消防例的，有幾多人死傷我就無考究，畢竟太耐記唔起。
第二個古仔就係手機熱潮，初初手機推出離，一部要成過萬銀，需求不是無，但無乜人去做。直至跌到幾百蚊一部時，即係黑白機的時代，幾個台狂搶客，街上大把靚num把你揀，有人屯積靚num把添，尤其行內人。
果陣時不是賣手機條水，而是賣配件，換下殼果種生意，大概是在千禧年。要講手機鋪係前兩年先開始勁旺，有幾間連鎖店跑了出來。
最近電視做三國演義。果陣時又點只三國，故事由外戚兼大將軍何進開始，軍閥割據，打到飛起，攪左好多年先變成三大國分天下。
如果活響三國時代，識武功、懂兵法都會撈得唔錯。斯文一些，就做謀士或者發明新武器。雖然有好多好叻既人最後收場都好慘，不過打緊仗你想點丫。
我地細個時又興過乜野呢？時裝鋪、模型鋪、燒雞鋪、Pizza餐廳、波鞋鋪、甚至健身房…市場同潮流不斷在變，變得越來越快，金融業都風光過，你地睇下，互聯網宜家幾蓬勃，好多生意開始成功在互聯網上建立，不過這只是一個平台，我相信到了某一程度，大家既焦點又會轉移。好似替代能源？講左好多年，唔知幾時跑出。不過一般人應該好難參與到。
除非你志願是做醫生，否則多加留意經濟動向，為下一個浪作準備，到時食正條水，不用十年，已經搵到，食唔正的話，任你努力三十年，未必咁理想。
17日後記：
好多人長年玩期指，結局不一，輸錢真的是技術未夠，贏錢又是否真的技術好？不能否認，有少少技術因素。不過，今日上午跌六百幾點，令我諗起一些往事。如果跌完，外圍開始升，港股橫行，幾十點波幅上下游走，好多人會做好搏升。搏到一二百點好開心，但有時會突然續跌，一分鐘跌兩百點，橫行後，再跌，輸到PK。
認輸之後，第二日果然回升，比買入價要高，高幾多唔講。經過如此經驗，有些人就即日不平倉，在收市前加好倉。第二日若不牛皮，有兩個可能，跌 or 升，結局：回想第一日，明明大跌之後先做好，再跌再加單，親眼見證有人反敗為勝贏個突，但有人會問：「點解到我就輸完又輸？」
