香港新浪網 MySinaBlog
巧茹 aka Cream | 1st May 2012 | 金錢世界 Money World, 網上日記 | (819 Reads)

寫一篇網誌,要讀者易明,又要覺得值得花時間閱讀,博主定要花一點時間和心機。小妹工作日益繁重,很多時寫了一半,或者就算完成了,但未再check清楚,也不隨意發文,慢慢寫好至算。隨意到像一些藝人的微博,內容不重要,粉絲多,多捧場就是。 

對於歐債,真是有點不明白。歐豬五國無錢還仲要問人再借,在國內派完錢,但隨後收入明顯不足,無力償還巨大債務。正常來說,有人肯再借畀你救急,理應慳些使,開源節流,慢慢還,咪皆大歡喜。宜家班刁民抗議,佢地唔理政府,認為政府自己死都要死d錢出來畀佢地,人工、開支、福利唔該唔好削減,要減的話,先減稅啦。又有些國家加印銀紙,把平錢借出去,得到平錢的人不是用在有建設性既地方,只拎去炒賣。環球經濟未見真正好轉,隨時再爆。

話說,果D負債累累既國家加入歐元區時,係未達加入最起碼標準的。那些國家的退休年齡仲居然是50歲!呢班訓慣彈弓床天天大魚大肉,習慣攤大手板既刁民,見到就煩。

明顯地,削赤是未見其利,先見其弊。不過,四個字講晒,暖水青蛙。所謂長痛不如短痛。究竟點先係對大部分人長遠有益呢?Chaos comes before order,想重回秩序必經混亂。宜家希國要削哪些人既利益先?咪手持投票權既人,面臨自己失業,無家就無國,而不是無國何以有家!大部人會點投呢?

很久前已有機會讀到《莊子》,響書局減價時就買左一本,《莊子》一書並不是全是莊子寫的。大家可能無注意到我有一篇舊博:孔子遊黑森林。就是來自《莊子》。

我地成日都會犯8種毛病同搞出4種禍害,時常犯錯而不自知,好心可以做壞事。文中用字艱深,大家要慢慢理解了。

 (閱讀全文)